Фото: inbusiness.kz

Президент Қасым-Жомарт Тоқаев Мәжіліс депутаттарын сайлау күнін белгіледі. Мұны Ақорданың ресми сайты хабарлады.

Мемлекет басшысы қаулысында партиялық тізім бойынша өтетін сайлау күні 10 қантар, ал депутаттарды Қазақстан халқы ассамблеясы сайлайтын күн 11 қантар боп бекітілді. 

Мәжіліс — парламенттің төменгі палатасы. Онда 107 депутат отырады. Тоғызын Қазақстан халқы ассамблеясы тағайындайды, қалғаны парламентке партиялық тізім бойынша өтеді, яғни сайлаушы партияға дауыс береді, ал парламентте кім отыратынын сол партияның өзі шешеді.

Біз парламенттің не екенін, соның ішінде Мәжіліс туралы толығырақ мына жерде жазғанбыз.